एजेन्सी । इङ्गलिश प्रिमियर लिग फुटबलमा सोमबार राति दुई हस्तिबीच भिडन्त हुँदैछ । सोमबार राति पौने १ बजेपछि सुरु हुने खेलमा म्यान्चेस्टर युनाइटेडले लिभरपुलको सामना गर्नेछ ।
बहुप्रतिक्षित खेलमा म्यान्चेस्टर युनाइटेडका भरपर्दा स्ट्राइकर वायन रुनी मैदानमा देखिने छैनन् । लिभरपुलको घरेलु मैदान एन्फिल्डमा हुने खेलमा नतिजा आफ्नो पक्षमा पार्न म्यान्चेस्टर युनाइटेडले कडा संघर्ष गर्नु पर्नेछ । जारी सिजनमा लिभरपुल फर्ममा रहेको टोली हो । अंक तालिकामा समेत लिभरपुल म्यान्चेस्टर युनाइटेड भन्दा दुई स्थान माथि छ ।
म्यान्चेस्छर युनाइटेडले भने जारी लिगमा राम्रो प्रदर्शन गर्न सकिरहेको छैन । सात खेल खेलेको युनाइटेड चार खेलमा जित र एक खेल बराबरी गर्दै १३ अंकका साथ तालिकाको सातौं स्थानमा छ । समान खेल खेलेको लिभरपुल भने १६ अंकका साथ तालिकाको चोथो स्थानमा छ । जारी नयाँ सिजनमा यी दुईबीचको खेल आठौं चरणको अन्तिम खेल हो ।
