दुबई । वेष्ट इन्डिजविरुद्धको पहिलो टेष्ट क्रिकेटमा पाकिस्तान ५६ रनले विपजी भएको छ । तटस्थ स्थल दुबईमा भएको खेलको अन्तिम समयमामात्र पाकिस्तान विजयी भएको हो ।
३४६ रनको चुनौती पछ्याएको वेष्ट इन्डिजका डयारेन ब्राभोले साहसीक सतक प्रहार गरेसंगै पाकिस्तान जितबाट टाढिने डर थियो ।
तर ब्राभो ११६ रनमा समेटिएपछि पाकिस्तानको साहस बढेको थियो । वेष्ट इन्डिज २८९ रनमा समेटियो । पहिलो इनिङमा ३५७ रन बनाउने क्रममा ब्राभोले सर्वाधिक ८७ रन जोडेका थिए ।
यसअघि पाकिस्तानले पहिलो इनिङमा म्यान अफ द म्याच अजर अलीको अविजित ३०२ रनको मद्धतले ३ विकेटको क्षतिमा ५७९ रन बनाएर इनिङ समाप्ति गरेको थियो ।
तर दोस्रो इनिङमा भने १२३ रन बनाएर लज्जास्पद प्रदर्शन गरेको थियो ।
यो जितसंगै पाकिस्तानले तीन खेलको श्रृंखलामा १–० को अग्रता लिएको छ ।
