काठमाडौ । च्याम्पियन्स लिगमा मंगलबार राति आठ वटा खेल हुँदैछन् । सबै खेल नेपाली समय अनुसार राति १२:३० बजे सुरु हुनेछ । आजको खेलमा रियल म्याड्रिड, लेस्टर सिटी र बोरुसिया डर्टमन्ट पनि मैदानमा उत्रिने छन् ।
स्पेनको रियल म्याड्रिडले पोल्यान्डको लेगिया वार्सजावाको सामना गर्नेछ । यस्तै इङ्लिश क्लब लेस्टर सिटीले डेनमार्कको कोपनहगमसँग सामना गर्दा जर्मनीको बरुसिया डर्टमन्टले पनि पोर्चुगलको स्पोर्टिङ सिपीको सामना गर्नेछ ।
अन्य खेलहरु इङ्लिश क्लब टोटन्ह्याम र जर्मनीको वयर लिभरकुसेन, बेल्जियमको क्लब ब्रुजी र पोर्चुगलको एफसी पोर्टोबीच हुनेछ ।
इटालीको युभेन्टसले पनि फ्रान्सको लायनसँग आजै भिड्ने छ । बाँकी दुई खेल भने फ्रान्सको मोनाको र रुसको सीएसकेए मस्को र स्पेनको सेभिला र कोरेसियाको डाइनामो जाग्रेवबीच हुनेछ ।
