-
-
-
-
काठमाडौँ । इङ्गलिश प्रिमियर लिग फुटबलको नयाँ सिजन शुरु भएको छ । उद्घाटन खेलमा म्यानचेस्टर सिटीले शानदार शुरुआत गरेको छ ।
शनिबार बिहान सम्पन्न भएको खेलमा सिटीले बर्नलीलाई ३–० गोल अन्तरले हराएको हो । सिटीको जितमा इर्लिङ हालाण्डले दुई र रोड्रीले एक गोल गरे ।
हालाण्डले चौथो र ३६ औँ मिनेटमा गोल गरे भने रोड्रीले खेल सकिन पाँच मिनेटअघि गोल गरे ।
प्रिमियर लिगको साविक विजेता सिटीले शानदार जित सहित सिजनको शुरुआत गरेको हो ।
लिग अन्तर्गत आज छ खेल हुँदैछन् ।
आर्सनलले नटिंघम फरेष्टसँग, एएफसी बर्नमाउथले वेष्टह्याम युनाइटेडसँग, ब्राइटन एन्ड हव आल्बियनले लुटन टाउनसँग, एभर्टनले फुल्हमसँग, शेफिल्ड युनाइटेडले क्रिष्टल प्यालेससँग तथा न्यूकासल युनाइटेडले एस्टन भिल्लासँग खेल्नेछ ।
