-
-
-
-
काठमाडौँ । नेपाली कांग्रेसका सभापति एवं संसदीय दलका नेता शेरबहादुर देउवाले कर तिरेर सुन ल्याउने व्यवस्था गर्न प्रस्ताव गरेका छन् ।
कांग्रेस संसदीय दलको बैठकमा बोल्दै देउवाले कर छलेर ल्याउन खोज्दा अवैध तस्करी बढेको भन्दै कर तिरेर भन्सारबाट सुन ल्याउने व्यवस्था गर्न प्रस्ताव गरेका हुन् ।
नयाँ बानेश्वरस्थित संसद भवनको ल्होत्से हलमा भएको संसदीय दलको बैठकमा उनले अवैध सुन तस्करीको छानबिन राज्यका निकायबाटै हुनुपर्नेमा जोड दिए ।
प्रमुख प्रतिपक्ष दल नेकपा एमालेले भने उच्च स्तरीय छानबिन समिति नै गठन गर्नुपर्ने माग गरेको छ ।
जसका कारण साउन १० गतेदेखि संसद बैठक अवरुद्ध हुँदै आएको छ ।
