एजेन्सी । इङ्गलिश प्रिमियर लिग फुटबलमा शीर्ष क्लब म्यान्चेस्टर सिटीलाई फेरि धक्का पुगेको छ । घरेलु मैदानमै बराबरीमा रोकिएपछि म्यान्चेस्टर सिटीलाई धक्का लागेको हो । आइतबार साँझ इत्तिहाद स्टेडियममा म्यान्चेस्टर सिटी साउथह्याम्पनसँग १–१ को बराबरीमा रोकियो ।
म्यान्चेस्टर सिटीका किपर चुकेपछि साउथह्याम्पटनले २७औं मिनेटमा गोल गर्दै सुरुवाती अग्रतालिई घरेलु टोलीलाई टक्कर दियो । साउथह्याम्पटनका लागि नाथन रेडमण्डले गोल गरेका हुन् । पछि ५५औं मिनेटमा म्यान्चेस्टर सिटीका केलेची इहेनाचोले एक गोल गर्दै १–१ को बराबरी गरे । पछि दुबै टोलीबाट गोल हुन सकेन ।
योसँगै लिग रोमाञ्चक बनेको छ । म्यान्चेस्टर सिटी, आर्सनल र लिभरपुल तीनै टोलिको समान ९ खेलबाट २० अंक भएको छ । गोल अन्तरका आधारमा तीनै टोली क्रमश पहिलो, दोस्रो र तेस्रो स्थानमा छन् । हालसम्म अपराजित टोटनह्याम भने १९ अंकसहित चौथो स्थानमा छ ।
यस्तै, अर्को बहुप्रतिक्षित खेलमा चेल्सी र म्यान्चेस्टर युनाइटेड भिड्दै छन् ।
