स्टामफोर्ड ब्रिज । इङलिश प्रिमियर लिग फुटबलमा चेल्सीले गोलको बर्षा गर्दा जोजे मौरिन्होले भने लज्जा र आत्मग्लानी महशुश गरेका छन् ।
प्रिमियर लिग फुटबलको आइतबार रातिको खेलमा चेल्सीले घरेलु मैदानमा म्यानचेष्टर युनाइटेडलाई ४–० ले पराजित गरेसंगै चेल्सी फ्यानले हर्षबढाइँ गरेका छन् ।
तर गत वर्षको सिजनमा चेल्सीले खराव प्रदर्शन गरेपछि निकालिएका म्यानेजर मौरिन्होले यतिबेला म्यानचेष्टर युनाइटेड सम्हालेका छन् ।
तिनै मौरिन्होले एक पटक फेरि लज्जावोध गर्दै स्टामफोर्ड ब्रिज छोड्नु परेको छ ।
चेल्सीलाई शानदार जित दिलाउन पेड्रो रोड्रिग्वेज, गेरी काहिल, एलन हजार्ड र गोलो कान्टेले १–१ गोल गरे ।
यो जितले चेल्सी ९ खेलबाट १९ अंकसहित चौथो स्थानमा चढ्दा १४ अंकमै खुम्चिएको म्यानचेष्टर युनाइटेड सातौं स्थानमै छ ।
लिगमा नवौं चरण सकिंदा म्यानचेष्टर सिटी २० अंकसहित शीर्ष स्थानमा छ भने आर्सनल र लिभरपुलको पनि २० अंक नै छ । त्यस्तै टोटनह्याम हटसपरको पनि १९ अंक छ । एभर्टन १५ अंकसहित छैटौं स्थानमा छ ।
