काठमाडौँ । इङ्गलिश प्रिमियर लिग फुटबलमा साविक विजेता म्यानचेस्टर सिटी लयमै देखिएको छ । म्यानसिटीले लगातार तेस्रो जित हासिल गरेको छ ।
आइतबार राति भएको खेलमा सिटीले शेफिल्ड युनाइटेडलाई २–१ गोलअन्तरले पराजित गरेको हो । शेफिल्डको घरेलु मैदानमा भएको खेलमा सिटीलाई जिताउन रोड्री र हालान्डले १–१ गोल गरे । शेफिल्डका बोग्लेले एक गोल फर्काएका थिए ।
अन्य खेलमा लिभरपुलले न्यूकासल युनाइटेडलाई २–१ ले तथा एस्टनभिल्लाले बर्नलीलाई ३–१ ले पराजित गर्यो ।
अंक तालिका
तेस्रो चरणको खेलसम्म म्यानसिटी ९ अंकसहित शीर्ष स्थानमा रहेको छ । समान ७ अंकसहित वेष्ट ह्याम युनाइटेड, टोटनह्याम हट्सपर, लिभरपुल र आर्सनल क्रमशः दोस्रोदेखि पाँचौं स्थानमा छन् ।
ब्राइटन एन्ड हभ आल्बियन, एस्टन भिल्ला र म्यानचेस्टर युनाइटेडको समान ६ अंक रहेको छ ।
नवौँ स्थानको ब्रेन्टफोर्डको ५ अंक छ ।
दशौँ स्थानको चेल्सी, ११ औँ स्थानको क्रिष्टल प्यालेस र १२ औँ स्थानको फुल्हमको ४ अंक छ । शेफिल्ड युनाइटेड, बर्नाली, लिटन टाउन र एभर्टनले खाता खोल्न सकेका छैनन् ।
