स्पेन । स्पेनको घरेलु फुटबल प्रतियोगिता कोपा देल रेको खेलमा ला लिगाको लिडर रियल मड्रिडले बी डिभिजन सेगुन्डाको लिडर लिओनेसामाथि गोलको वर्षा गरेको छ ।
लिओनेसाको मैदानमा भएको पहिलो लेगको खेलमा रियल ७–१ को विशाल अन्तरले विजयी भएको हो ।
रियलका लागि मार्को असेन्सिओ र अल्भारो मोराटाले समान २–२ गोल गरे ।
त्यस्तै नाचो फर्नान्डेज र मारिआनो मेजिआले १–१ गोल गरे ।
रियलले छैटौं मिनेटमै लिओनेसाको आत्मघाती गोलले उपहार पाएको थियो ।
रियल मड्रिडका लागि चर्चित खेलाडीहरु क्रिष्टियानो रोनाल्डो, ग्यारेथ बेल र करिम बेन्जेमालाई भने प्रशिक्षक जिनेदिन जिदानेले आराम दिएका थिए ।
