डरलाग्दो चट्टानमा १५ सय खुट्किला उक्लेर स्कुल जान्छन् बालबालिका !

प्रकाशित २०७३ कार्तिक ११ बिहिबार

एजेन्सी। हामीलाई एक देखि दुई घण्टा हिडेर स्कुल जान सहज हुन्छ ? पक्कै सहज हुँदैन । यस्तै, १५ सय खुट्किला उक्लेर स्कुल जानुपर्‍यो भने हाम्रो हालत के होला ? आफैँ कल्पना गर्नुस्।

तर दक्षिण–पश्चिमी चीनको एक हिमाली गाउँ लियाङसाङमा स्कुले बालबालिका डरलाग्दो चट्टान (ठाडो भीर)मा १५ सय खुट्किला उक्लेर स्कुल जान्छन्। निकै अग्लो पहाडमा स्टील पाइपको भर्‍याङ झुण्डाइएको छ । भर्‍याङ उक्लेर माथि पुग्न १५ सय खुट्किला छिचोल्नु पर्छ ।

सो दृश्य गत मे महिनामा पहिलो पटक सार्वजनिक हुँदा लाखौं मानिसहरु आत्तिएका थिए । अहिले त्यहाँका स्थानीयले यात्रालाई कम जोखिमयुक्त बनाउन भर्‍याङमा थप स्टील पाइप जोड्ने तयारी गरेका छन् ।