पाँचथर । पाँचथरको फाक्तेपमा शुक्रबार सम्पन्न जिल्ला स्तरीय घुर्विसे पञ्चमी गोल्डकप नकआउट फुटवल प्रतियोगिताको उपाधि न्यूस्टार क्लव फाकफोक इलामले चुमको छ । शुक्रबार भएको फाइनल खेलमा निर्धारित समयमा दुवै टिम बाट दुई दुई गोल भएपछि खेल ट्राइबेकरमा धकेलिएको थियो ।
ट्राइबेकरमा इलामले ४-२ गोल अन्तरले पाँचथरलाई हराएको आयोजकले जनाएको छ । आजको खेलमा इलामको तर्फ बाट उत्कृष्ट खेल प्रर्दशन गरेका प्रजवल विष्ट म्यान अफ दि म्याच घोषित भए ।
नाम्तोक युवा क्लव फाक्तेपको आयोजनामा गत कार्तिक २ गते देखि संचालन भएको प्रतियोगिताको विजेताले नगद १ लाख १ हजार १ सय ११ रुपैंया र उपविजेताले नगद ५५ हजार ५ सय ५५ रुपैंयाँ,ट्रफी,मेडल र प्रमाणपत्र हात पारेको छ ।
प्रतियोगिताको विजेतालाई नेपाली काग्रेसका केन्द्रिय सदस्य भिष्मराज आङदेम्बेले पुरुस्कार वितरण गरेका थिए ।
