गाँजा । इजरेलमा भएको आक्रमणले मानिसहरूलाई अमेरिकामा भएको ९–११ आतंकवादी हमलाको सम्झना गराएको छ । मध्यपूर्वका केही विश्लेषकहरू भन्छन् कि हमासले इजरेललाई पहिले कहिल्यै यस्तो ठूलो पीडा दिएको थिएन। आफैंमाथिको यो हमलापछि इजरेली सेनाले प्यालेस्टाइन, गाजा र आसपासका क्षेत्रमा रहेका हमाश समुह माथि आक्रमण गरिरहेको छ ।
प्यालेस्टिनी स्वास्थ्य मन्त्रीले इजरेलको जवाफी कारबाहीमा गाँजामा आफ्ना करिब २ सय जना मारिएका र करिब २ हजार भन्दा बढी घाइते भएको दाबी गरेका छन् । जबकि इजरेलमा मृत्यु हुनेको संख्या २ सय पुगेको छ । अबेर राति, हमासले फेरि इजरायलमा १५० रकेटहरू प्रहार गर्यो, जसमध्ये धेरैलाई आइरन डोम रक्षा प्रणालीले नष्ट गरेको थियो।
रुसी मिडिया एजेन्सी स्पुतनिकका अनुसार प्यालेस्टाइनसँगको तनावका कारण इजरेलमा ज्यान गुमाउनेको संख्या ७७९ पुगेको छ । इजरेली सेनाले भन्यो कि अझै पनि २० भन्दा बढी मोर्चाहरूमा लडाई जारी छ ।
इजरेलका सुरक्षा बलका शीर्ष प्रवक्ता रियर एडमिरल ड्यानियल हगारीले गाँजा पट्टीमा हमास आतंकवादी समूहले इजरेलीहरूलाई बन्धक बनाएर राखेको पुष्टि गरेका छन्।
हागारी भन्छन् कि दक्षिणी इजरेलमा २२ स्थानहरूमा अझै पनि लडाई जारी छ, जसमा हाम्रो उद्देश्य बेरी र ओफकिममा बन्धकहरूलाई मुक्त गर्ने हो।
उनी भन्छन् कि इजरेली सैनिकहरू गाँजा सीमाका सबै शहरहरूमा पुगेका छन् र त्यहाँ उपस्थित सबै व्यक्तिको स्क्यान गरिरहेका छन्। हागारीले गाँजा सिमानामा चारवटा डिभिजन तैनाथ गरिएको र त्यहाँ पहिले नै रहेको ३१ वटा बटालियनमा सामेल भइरहेको बताए । इजरेलले हमासलाई पूर्ण रूपमा ध्वस्त पार्ने बताएको छ । उनका अनुसार हमासले यस युद्धको ठूलो मूल्य चुकाउनु पर्ने छ।
उता, हमास समुहले इजरेलमा आक्रमण गरेपछि इजरेलले आफ्नो राज्य सञ्चालित बिजुली कम्पनीलाई शनिबार गाजा पट्टीमा आपूर्ति रोक्न आदेश दिएको ऊर्जा मन्त्रीले बताए।
