लण्डन । इजिप्टको अलेक्जान्ड्रिया शहरमा दुई इजरेली पर्यटक र उनीहरूका इजिप्टियन गाइडलाई गोली हानी मारिएको छ ।
इजरेली विदेश मन्त्रालयका अनुसार आइतबार बिहानको आक्रमणमा अर्का इजरेली घाइते भएका थिए, जसलाई मन्त्रालयले स्थानीयले गोली हानेर मारेको बताएको हो ।
तर, इजिप्टका अधिकारीहरूबाट तत्काल कुनै पुष्टि भने गरेका छैनन् ।
निजी एक्स्ट्रा न्युज टीभी च्यानलले पोम्पीको स्तम्भ भनेर चिनिने पुरातन रोमन साइटको भ्रमण गर्ने समूहमाथि गोली चलाएको उल्लेख गरेको छ ।
आक्रमणकारीले आफ्नो व्यक्तिगत हतियार प्रयोग गरेर शुरुमा फायर गर्यो अनि धमाधम गोली हान्यो, एक सुरक्षा स्रोतलाई उद्धृत गर्दै सो च्यानलले भनेको छ । गोली प्रहार गर्नेलाई तत्काल घटनास्थलबाट पक्राउ गरी हिरासतमा राखिएको छ ।
सामाजिक सञ्जालमा पोस्ट गरिएको आक्रमण पछिको फुटेजमा कम्तीमा दुई व्यक्ति पुरातात्विक स्थलमा जमीनमा मारिएको देखिन्छ।
इजरेली विदेश मन्त्रालयले इजिप्टका अधिकारीहरूसँग इजिप्टका नागरिकहरूलाई जतिसक्दो चाँडो इजरायल फर्काउन काम गरिरहेको बताएको छ।
धेरैले प्यालेस्टाइनी हमास समूह र इजरेल बीचको युद्धको ‘साइड इफेक्ट’को रुपमा इजिप्टमा दुई इजरेली मारिएको बताएको छ । तर त्यसको स्वतन्त्र पुष्टि भने भएको छैन । प्रहरीले गोली हान्ने अपराधीसँग सोधपुछ गरिरहेको समाचारमा जनाइएको छ ।
