एजेन्सी । इङ्गलिश प्रिमियर लिग फुटबल रोचक मोडमा पुगेको छ । गत सिजन संकटबाट गुज्रिएको चेल्सीले पनि शीर्ष स्थानको म्यान्चेस्टर सिटीसँग अंक दुरी कम गरेको छ ।
आइतबार राति सण्डरल्याण्डलाई घरेलु मैदानमै स्तब्ध पारेर चेल्सीले शीर्ष स्थानको म्यान्चेस्टर सिटीसँगको दुरी एक अंकमा झारेको हो । यद्यपि, गोल अन्तरमा भने चेल्सी सिटी भन्दा ६ गोलले पछि छ ।
सण्डरल्याण्डको मैदानमा चेल्सीले २–० को सहज जित निकाल्यो । उसलाई विजयी गराउन इडेन हाजार्ड र डिएगो कोस्टाले एक–एक गोल गरे ।
यो सँगै चेल्सीको १० खेलबाट २२ अंक भएको छ । योसँगै चेल्सी शीर्ष स्थानबाट तेस्रो स्थानसम्म रहेका क्लब बराबर सात खेलमा जित निकालेको छ । उसले २ खेल हार्दा १ खेल बराबरी गरेको छ ।
क्रमशः पहिलो, दोस्रो र तेस्रो स्थानमा रहेका म्यान्चेस्टर सिट, आर्सनल र लिभरपुलले समेत समान ७ खेल जितेका छन् भने सबैले समान २ खेल बराबरी र १ खेल हारेका छन् । टोटनह्याम भने दशौं चरण्को एक खेल मात्र खेल बाँकी छँदा अपराजित छ ।
पहिलो, दोस्रो र तेस्रो स्थानमा रहेका म्यान्चेस्टर सिट, आर्सनल र लिभरपुलको समान १० खेलबाट २३ अंक छ । सिटी गोल अन्तरका आधारमा अग्रस्थानमा छ । आइतबार राति भएको अर्को खेलमा एभर्टनले वेष्टह्यामलाई २–० ले हरायो ।
