लण्डन । इङलिश प्रिमियर लिग फुटबलमा स्वान्सी सिटीको विजोग कायमै छ । निरन्तर पराजय बेहोरेको स्वान्सीले आफ्नो दशौं खेलमा स्टोक सिटीसंग ३–१ को हार बेहोरेको छ ।
स्टोकको मैदानमा भएको खेलमा स्वान्सीलाई हराउन दुई गोल विल्फ्रेड बोनीले गरे । स्वान्सीका एल्फी मसनले आत्मघाती गोल गरेका थिए ।
स्वान्सीका लागि वाइने लाउटलेजले सान्त्वना गोल फर्काए ।
यो हारले स्वान्सी १० खेलबाट ५ अंकका साथ रेलिगेशन क्षेत्रमा छ । स्वान्सी पुछारबाट दोस्रो स्थानमा छ । सन्डरल्याण्डको १० खेलबाट २ अंकमात्र छ ।
लिगमा २३ अंकमा रहेका म्यानचेष्टर सिटी, आर्सनल र लिभरपुल गोल अन्तरका आधारमा क्रमशः पहिलो, दोस्रो र तेस्रो स्थानमा छन् ।
