रोल्पा । सभामुख ओनसरी घर्तीमगरले गृह जिल्ला रोल्पाको माडिचौरमा भएको मैत्रिपूर्ण फुटबलमा भाग लिएकी छन् । आफै उद्घाटन गरेको कार्यक्रममा सभामुखको टोलीले समेत प्रतिस्पर्धा गरेको छ ।
रोल्पा समाचार साप्ताहिकको ११औं वार्षिक उत्सवका अवसरमा आयोजित मैत्रीपूर्ण फुटबलमा सभामुखको टोली आयोजकको टोलीसँग एक–एकको बराबरीमा रोकियो । प्रतियोगीतामा राजनीतिक दलले २ गोल गर्दा सरकारी कर्मचारीले एक गोल मात्रै गर्न सके ।
यस्तै, सामाजिक संघ संस्थाले २ गोल गरे, भने पत्रकार साहित्यकारको टोलीले एक गोल फर्कायो । मैत्रीपूर्ण फुटबल प्रतियोगितामा राजनीतिक दल र सरकारी कर्मचारी, पत्रकार साहित्यकार र सामाजिक संघ संस्था एवं सभामुखको टोली र आयोजक बीच कडा प्रतिष्पर्धा भएको थियो ।
प्रतिष्पर्धामा राजनीतिक दलको तर्फबाट पूर्व अर्थमन्त्री वर्षमान पुनः अनन्त र कर्मचारीको तर्फबाट स्थानीय विकास अधिकारी सुशील वैद्य समेत खेलमा सहभागि भए । मैत्रीपूर्ण फटवल प्रतियोगिताको समापन शुक्रबार विहान सभामुख ओनसरी घर्तीमगरले नै गर्ने छिन् ।
