स्तानबुल । इङलिश प्रिमियर लिग क्लव म्यानचेष्टर युनाइटेडको अधोगति कायमै छ । प्रिमियर लिगमासमेत उल्लेख्य फड्को मार्न नसकको म्यानचेष्टरले युरोपा लिग फुटबलमा पनि उल्लेख्य प्रदर्शन गर्न सकेको छैन ।
बिहीबार रातिको खेलमा म्यानचेष्टर युनाइटेड टर्कीको क्लव फेनरबाचेसंग २–१ ले पराजित भयो ।
फेनरबाचेको मैदानमा भएको खेलमा दोस्रो मिनेटमै मौसा सोले गोल गर्दैै अग्रता दिलाए ।
जेर्माइन लेन्सले ५९ औं मिनेटमा गोल गर्दै फेनरबाचेलाई २–० ले अग्रता दिलाए ।
८९ औं मिनेटमा वाइने रोनीले गोल गर्दै म्यानचेष्टरलाई गोल अन्तर कम गर्ने प्रयास गरे ।
तर त्यत्तिन्जेल निकै ढिला भएको थियो । यो हारले भने म्यानचेष्टर युनाइटेडका म्यानेजर जोजे मौरिन्होको पारो तातेको छ ।
मौरिन्हो हारपछि खेलाडीहरुसंग रुष्ट बनेका छन् । उनले फेनरबाचेले च्याम्पियन्स लिगको फाइनलजस्तै गरी खेलेको तर हाम्रा खेलाडीले समरकालको मैत्रिपूर्ण खेल खेलेको भन्दै आफ्ना खेलाडीको तुना कसे ।
खेल जित्ने म्यानचेष्टर खेलाडीले खुवै मेहनत गरे पनि गोल गर्न सकेनन् ।
यो हारले समूह ए मा रहेको म्यानचेष्टर युनाइटेड ४ खेलबाट ६ अंकसहित तेस्रो स्थानमा झरेको छ ।
यो समूहको खेलमा बिहीबार राति फेयेनोर्ड र जोर्याले १–१ को बराबरी खेलेका छन् । फेयेनोर्ड र फेनरबाचेको ७–७ अंक छ ।
युरोपा लिगका समूह बी का खेलमा एस्तानाले ओलम्पियाकोससंग १–१ को बराबरी खेल्दा निकोसियाले यङ्ग ब्याइजलाई १–१ ले हरायो ।
समूह सी को खेलमा एन्डरलेचले मेन्जलाई ६–१ ले तथा सेन्ट एटिनेले कबालालाई २–१ ले हरायो ।
एएस रोमाले अष्ट्रिया वाइनलाई ४–२ ले तथा एथलेटिक बिलबाओले जेन्कलाई ५–३ ले पराजित गर्यो ।
आयाक्सले सेल्टाभिगोमाथि ३–२ को विजयी नतिजा हासिल गर्दा शक्तर दोनेस्कले जेन्टलाई ५–३ ले हरायो ।
