लण्डन । इङलिश प्रिमियर लिग फुटबलमा चेल्सीले शानदार प्रदर्शन गरेको छ । चेल्सीले एभर्टनलाई ५–० को विशाल अन्तरले पराजित गर्दै तीन अंकमात्र बटुलेन लिग तालिकाको शीर्ष स्थानमै उक्लिएको छ ।
घरेलु मैदानमा खेलेको चेल्सीलाई शनिबार राति विजयी गराउन एडन हजार्डले दुई तथा मार्कोस अलन्सो, डिएगो कोस्टा र पेड्रोले एक एक गोल गरे ।
यो जितसंगै एन्टोनियो कोन्टेको टिमले यसपटक प्रिमियर लिगको उपाधिसमेत जित्ने अनुमान गर्न थालिएको छ ।
चेल्सीको ११ खेलबाट २५ अंक भएको छ । अधिकांश समय शीर्ष स्थानमा रहेको म्यानचेष्टर सिटीको ११ खेलबाट २४ अंक भएको छ ।
म्यानचेष्टर सिटीले शनिबार नै भएको खेलमा मिडिल्स्रोसंग १–१ गोलको बराबरी खेल्यो ।
शनिबारका अन्य खेलमा सन्डरल्याण्डले बर्नमाउथलाई २–१ ले, बर्ननीले क्रिष्टललाई ३–२ ले पराजित गर्दा वेष्टह्याम र स्टोक सिटीले १–१ गोलको बराबरी खेले ।
