-
-
-
-
काठमाडौँ । भारतको अयोध्यास्थित राम मन्दिरको प्राण प्रतिष्ठाको समय नजिकिदै गर्दा धेरैको ध्यान त्यता केन्द्रित भएको छ ।
राम मन्दिरको प्राण प्रतिष्ठामा विभिन्न मानिसहरु विभिन्न कष्ट झेलेर जनवरी २२ को समयभित्र पुग्दैछन् ।
जसमा एक १० वर्षे स्केटर हिमांशु सैनी पनि रहेका छन् । उनले कोठपुतलीबाट ७७० किलोमिटरको यात्रा स्केटिङ गरेर तय गरिरहेका छन् ।
उनी ९ दिनमा स्केटिङ गरेरै राम मन्दिर पुग्ने अठोट लिएका छन् । उनलाई ठाउँठाउँमा स्वागतसमेत गरिएको छ ।
उनले आफूलाई श्रीरामबाट प्रेरणा मिलेकोसमेत प्रतिक्रिया दिएका छन् ।
उनले एक दिन युट्युब देखिरहेको र त्यसमा कयौँ मानिसहरु हिँडेरै लामो यात्रा तय गरिरहेको देखेपछि स्केटिङमा जाने फैसला गरेको बताए ।
हिमांशुका बाबु र दाइ पनि साथमै रहेका छन् । उनले जतिसुकै चिसो मौसम भए पनि यो सबै भगवान् श्रीरामको कृपा भएको बताएका छन् ।
तस्बिर– भास्करडटकमबाट ।
