सान मारिनो । युएफा विश्वकप छनोट फुटबलमा जर्मनीले शानदार जित हासिल गरेको छ ।
गोलको वर्षा गर्ने क्रममा जर्मनीले सान मारिनोलाई उसकै मैदानमा ८–० को फराकिलो जित हासिल गरेको हो ।
जर्मनीलाई जिताउने क्रममा सर्गे नाब्रीले पहिलो ह्याट्रिक गरे ।
त्यसैगरी जोनास हेक्टरले दुई तथा सामी खेदिरा र केभिन भोलान्डले एक एक गोल गरे भने सान मारिनोका माटिआ स्टेफनेलीले आत्मघाती गोल जोडिदिए ।
युएफा कपको समूह सी का अन्य खेलमा नर्दन आयरल्याण्डले अजरबैजानलाई ४–० ले तथा चेक गणतन्त्रले नर्वेलाई २–१ ले हरायो ।
जितसंगै जर्मनी ६ टोली सहभागी समूहबाट १२ अंकसहित शीर्ष स्थानमा कायमै छ भने नर्दन आयरल्याण्ड ७ अंकसहित दोस्रो स्थानमा छ ।
त्यसैगरी समूह एफको खेलमा इङल्याण्डले स्कटल्याण्डलाई ३–० ले हराएको छ । इङल्याण्डलाई जिताउन डानियल स्टुरिज, एडम लालाना र गेरी काहिलले एक एक गोल गरे ।
यो समूहको अर्को खेलमा स्लोभाकियाले लिथुआनियालाई ४–० ले तथा स्लोभेनियाले माल्टालाई १–० ले हरायो ।
समूह ए को खेलमा फ्रान्सले स्वीडेनलाई २–१ ले हरायो ।
त्यसैगरी समूह इ को खेलमा डेनमार्कले काजखस्तानलाई ४–१ ले, पोल्याण्डले रोमानियालाई ३–० ले तथा अर्मेनियाले मोन्टेनेग्रोलाई ३–२ ले हरायो ।
अमेरिकी कोन्काकाफ समूहमा मेक्सिकोले अमेरिकालाई २–१ ले, कोस्टारिकाले ट्रिनिडाड एण्ड टोबागोलाई २–० ले तथा पानामाले होन्डुरसलाई १–० ले हरायो ।
