महानगरले पार्किङ निषेध गरेपछि यस्तो भयो न्यूरोड [फोटोफिचर]

हाम्रा कुरा

प्रकाशित २०८० माघ ९ मंगलबार

काठमाडौँ । काठमाडौँ महानगरपालिकाले आजदेखि न्यूरोडमा पार्किङ निषेध गरेपछि न्यूरोड निकै शान्त बनेको छ । न्यूरोड क्षेत्रको कालोपत्र सडकमा सवारी पार्किङमा रोक लगाएपछि त्यो क्षेत्र शान्त देखिएको हो ।

महानगरले काठमाडौँ टावरमा निःशुल्क पार्किङ सुविधा उपलब्ध गराउने भन्दै न्यूरोड क्षेत्रमा पार्किङ गर्न नपाइने जनाएको हो ।

महानगर प्रहरी बलका प्रमुख नगर प्रहरी वरिष्ठ उपरीक्षक राजुनाथ पाण्डेले विकल्पमा काठमाडौँ टावरमा तीन सय वटा चार पाङ्ग्रे र सात सय ओटा दुईपाङ्ग्रे सवारी साधन पार्किङ गर्न सकिने जानकारी दिए ।

पाण्डेले आजदेखि पार्किङ निषेध गरेर ती ठाउँमा विशेष सरसफाइ गर्ने बताए । उनले धर्मपथ, जुद्ध सालिकदेखि इन्द्रचोकतर्फको सडक खण्ड, खिचापोखरी, महाबौद्ध, वीरअस्पताल वरपरको कालोपत्र सडकमा पार्किङ निषेध गरिने बताए ।

यसअघि झोँछे क्षेत्रमा सवारी पार्किङ निषेध कार्यान्वयन गरिसकिएको छ ।