कौरव खत्री, गुल्मी । गुल्मीको कुर्घा गाउँ विकास समितिमा वडा नं. ५ मा रहेको त्रिभुवन उच्च माध्यमिक विद्यालयको लागि विद्यालयका भूतपूर्व विद्यार्थी घनश्याम शर्माद्धारा १० लाख ५१ हजार आर्थिक सहयोग प्रदान गरेका छन् । कुर्घा ४ निवासी हाल रोजगारीको शिलशिलामा बेल्जियममा रहनुभएका शर्माले आफ्नी माता डिलादेवि पंगेनी शर्माकोे नामबाट विद्यालयमा डिलादेवि पंगेनी सभा हल निर्माणको लागि उक्क्त आर्थिक सहयोग गरेको विद्यालयका प्राचार्य रामबहादुर थापाले जानकारी दिए ।
विद्यालयको ४९ औ बार्षिकउत्सवको अवसरमा भने भूतपूर्व विद्यार्थी शर्माले सोही अवसरमै नगद ४ लाख १ हजार रकम विद्यालयका विद्यालय व्यवस्थापन समितिका अध्यक्ष खड्क बहादुर खड्कालाई हस्तान्त्रण गरे । आर्थिक सहयोगले विद्यालयको शैक्षिक तथा भौतिक क्षेत्रमा नयाँ आयाम थपेको भन्दै आज देखि स्वर्ण बर्षको शुभारम्भ भएकोले विद्यालयको सहयोगको लागि शौजन्य बर्ष घोषणा गरिएकोले विद्यालयप्रति आ आफ्नो क्षमता अनुसारको सहयोग गर्न सबैलाई प्राचार्य थापाले आग्रह समेत गरे ।
