-
-
-
-
काठमाडौं । मलेसियामा भएको एएफसी सोलिडारिटी कप फुटबलको उपाधि जित्दै नेपालले इतिहास रचेको छ । कुचिङस्थित सरावाक रंगशालामा भएको फाइनल खेलमा परिचित प्रतिद्वन्द्वी मकाउलाई १–० ले हराउँदै इतिहास रचेको हो ।
एसियाली फुटबल महासंघ एएफसीले आयोजना गरेको कुनै पनि औपचारिक प्रतियोगिताको उपाधि जितेको यो पहिलो पटक हो । समूह चरणमा नेपालले ब्रुनाइलाई ३–० ले हराउँदा लाओससंग गोलरहित बराबरी खेलेको थियो ।
त्यस्तै नेपालले सेमिफाइनलमा लाओसलाई टाइब्रेकरमा ३–० ले पराजित गर्दै एसियाली स्तरको प्रतियोगितामा पहिलो पटक फाइनलमा ठाउँ बनाएको थियाे ।
