ओल्डट्राफोर्ड । इङलिश प्रिमियर लिग फुटबलमा म्याचेष्टर युनाइटेडले एक पटक फेरि घरेलु मैदानमा बराबरीमै चित्त बुझाएको छ । म्यानचेष्टरले आर्सनलसंग १–१ गोलको बराबरीमै चित्त बुझाएको हो ।
खेलको ६८ औं मिनेटमा हुवा माटाको गोलबाट म्यानचेष्टर युनाइटेडले अग्रता लिए पनि ८९ औं मिनेटमा ओलिभर जिरोर्डले गोल गर्दै बराबरी गरे ।
त्यस्तै शीर्ष स्थानको लिभरपुलले पनि बराबरी खेलेको छ । लिभरपुलले साउथह्याम्पटनसंग उसकै मैदानमा गोलरहित बराबरी खेलेको हो ।
उपाधि दावेदार म्यानचेष्टर सिटीले भने जित निकालेको छ । सिटीले क्रिष्टल प्यालेससंग उसकै मैदानमा २–१ को जित निकालेको हो । सिटीलाई जिताउन दुवै गोल याया टुरेले गरे ।
अन्य खेलहरुमा एभर्टनले स्वान्सीसंग १ ण्१ को बराबरी खेल्दा टोटनह्यामले वेष्टह्यामलाई ३–२ ले, वाटफोर्टले लेस्टर सिटीलाई २–१ ले तथा सन्डरल्याण्डले हल सिटीलाई ३–० ले हरायो ।
यी खेलपछि लिगमा २७ अंकका साथ लिभरपुल शीर्ष स्थानमा छ । समान अंकको म्यानचेष्टर सिटी दोस्रो स्थानमा छ ।
एक खेल कम खेलेको चेल्सी २५ अंकबाट तेस्रो स्थानमा झरेको छ । चेल्सीले आइतबार राति पौने १० बजे मिडिल्सब्रोसंग उसकै मैदानमा खेल्दैछ । यो खेल जिते चेल्सी पुनःशीर्ष स्थानमा पुग्नेछ । सोमबार बिहान पौने २ बजे वेष्टब्रोम र बर्नले भिड्ने छन् ।
