मड्रिड । स्पेनिश फुटबल लिगमा रियल मड्रिडले शानदार जित हासिल गरेको छ । मड्रिड डर्बीको खेलमा रियलले एथलेटिको मड्रिडलाई उसकै मैदानमा ३–० ले पराजित ग¥यो ।
रियललाई जिताउने क्रममा पोर्चुगिच खेलाडी क्रिष्टियानो रोनाल्डोले ह्याट्रिक गरे । उनको यो चामत्कारिक ह्याट्रिकले उनका प्रशंसक खुसी छन् भने विपक्षीको बोल्ती बन्द गरिदिएको छ ।
यो ह्याट्रिकले अब रोनाल्डो विश्वले दिने जुनसुकै उत्कृष्ट खेलाडीले पाउने सम्मानको हकदार बनेको टिप्पणीसमेत गर्न थालिएको छ ।
जितसंगै रियल मड्रिड ३० अंकसहित शीर्ष स्थानमा कायमै रहेको छ ।
यता रियलको चर्चा चुलिंदा बार्सिलोनालाई भने नराम्रो झड्का लागेको छ । बार्सिलोनाले घरेलु मैदानमा कमजोर आँकिएको मालागासंग गोलरहित बराबरी खेलेको छ ।
विरामी भएर लिओनल मेसी नखेलेको खेलमा नेमारदेखि जेरार्ड पिकेसम्म नचलेपछि बराबरीमै चित्त बुझायो । जसले गर्दा बार्सिलोनामाथि रियल मड्रिडले चार अंकको अग्रता लिएको छ ।
