गुल्मी ।गुल्मीको हस्तिचौरमा रहेको हिमालय उच्च माध्यमिक विद्यालयले सञ्चालन गर्न लागेको गुल्मी जालापा हस्तिचौर शैक्षिक तथा धार्मिक महोत्सव नजिकीदै गर्दा आर्थिक संकलन अभियानलाई तिव्रता दिएको छ ।
विद्यालयलाई जिल्लाकै नमूना प्राविधिक युक्त शैक्षिक संस्था तथा क्याम्पस सञ्चालनार्थको लागि यहि मंसिर २५ गतेदेखि पौष २ गतेसम्म महोत्सव सञ्चालन हुदै छ । हालसम्म शान्ति कलश मार्फत ७ लाख,७० हजार र नगद २ लाख ५० हजार गरि हाल सम्म १० लाख,२० हजार आर्थिक सहयोग प्राप्त भएको संयोजक कँवरले जानकारी दिए ।
महोत्सवलाई व्यापक रुपमा भब्य र सफल बनाउन स्वदेश तथा विदेशमा रहेका यस क्षेत्रका विभिन्न व्यक्तिहरुबाट पनि आर्थिक संकलन अभियानलाई तिव्रता दिएको महोत्सव मुल समारोह समितिका संयोजक शेर बहादुर कुँवरले बताए ।
हाल हस्तिचौर काठमाडौं ट्रसका अध्यक्ष भूपाल खत्री,हस्तिचौर रुपन्देही सम्र्पक समाजको तर्फबाट राम बहादुर कुँवर, तथा विदेश अन्तर्गत जापानमा संगिता कुँवर,अष्ट्रिलिया विष्णु घिमिरे,कोरियाको लागि नविन कुँवर र कतारको लागि प्रकाश खत्री र प्रेम कुँवर लगायतको सक्रिय नेतृत्वमा आर्थिक संकलन अभियान सञ्चालन गरिएको समेत संयोजक कुँवरले जानकारी दिए ।
