लण्डन । इङलिश प्रिमियर लिग फुटबलमा म्यानचेष्टर सिटी र लिभरपुलले विजयी प्रदर्शन गरेका छन् । म्यानचेष्टर सिटीले बर्नलीलाई उसकै मैदानमा २–१ ले हरायो । खेलमा डिन मार्नेको गोलबाट बर्नलीले अग्रता लिए पनि त्यसपछि भने सर्जिओ अगुएरोले दुवै गोल गर्दै म्यानचेष्टर सिटीलाई जिताए ।
त्यस्तै लिभरपुलले सन्डरल्याण्डलाई घरेलु मैदानमा २–० ले हरायो । ७५ औं मिनेटमा ओरिगीको गोलबाट अग्रता लिएको लिभरपुललाई अन्तिम मिनेटमा जेम्स मिल्नरले गोल दिलाएका थिए ।
यी खेलपछि १३ खेलबाट लिभरपुल र म्यानचेष्टर सिटीको समान ३०–३० अंक भएको छ ।
लिगको अर्को एकै खेलमा ९ गोल भएको छ । गोलको वर्षा भएको खेलमा स्वान्सी सिटीले क्रिष्टल प्यालेसलाई ५–४ ले हराएको छ ।
अन्य खेलमा हल सिटी र वेष्टब्रोमले १–१ को तथा लेस्टर सिटी र मिडिल्सब्रोले २–२ को बराबरी खेलेका छन् ।
