दोलखा। गत बैशाख १२ को भुकम्पपछि अबरुद्ध बनेको सडक माथिल्लो तामाकोशी जलबिद्युत आयोजनाले सुरुङमार्ग खनेर बुधबारबाट सञ्चालनमा ल्याएको छ । लामावगरमा रहेको माथिल्लो तामाकोशीको बाँधस्थल सम्मको भीर फोर्दै बनाईएको सडक भुकम्पका कारण भीर खसेर अवरुद्ध बनेको थियो ।
३ सय ३७ मिटरको सुरुङमार्ग भुकम्प पछि भत्कीएको गोंगर लामावगर खण्डको काब्रे क्षेत्रमा ४ महिना अघिबाट निर्माण सुरु गरिएको थियो । चट्टान युक्त भीर फुटाएर लगिएका कारण भुकम्पले पहाड नै भत्काएपछि लामावगर सम्म आउजाउ बन्द हुँदा २० महिना देखी बाँधस्थलको काम ठप्प भएको थियो ।
आयोजनाले सुरुङ मार्ग पुरा भए सगैँ बाँधस्थलको बाँकी कामले समेत गति लिने जनाइएको छ । आयोजनाका प्रमुख बिज्ञान प्रसाद श्रेष्ठले सुरुङ मार्ग पुरा भएसगैँ बाँधस्थलको कामले समेत अझ बढी गति पाउने बताए । ‘आज सुरुङमार्गमा ‘ब्रेक थु्र’ भयो’ ‘यो हाम्रा लागि अर्को सफलता हो’ उनले भने ।
सुरुङ मार्ग बुधबार पुरा भएकाले कहेी सामन्य काम बाँकी रहेको र लामावगर सम्म गाडी पुग्न भने एक दुई दिन लाग्न सक्ने आयोजनाका प्रवक्ता गणेश न्यौपानेले जानकारी दिएका छन् ।
