ओल्ड ट्राफोर्ड । म्यानचेष्टर युनाइटेड इङल्याण्डको घरेलु फुटबल प्रतियोगिता इङलिश लिग कप फुटबलको सेमिफाइनलमा पुगेको छ । क्वार्टरफाइनलमा वेष्टह्याम युनाइटेडलाई ४–१ को फराकिलो अन्तरले पराजित गर्दै म्यानचेष्टर सेमिफाइनलमा पुगेको हो । घरेलु मैदानमा खेलेको म्यानचेष्टर युनाइटेडलाई जिताउन ज्लाटान इब्राहिमोभिच र एन्थोनी इब्राहिमोभिचले २–२ गोल गरे ।
वाइने रुनीले भने गोल गर्नुको सट्टा पहेंलो कार्ड खाएका थिए । वेष्टह्यामका लागि एस्ले फेलेटचरले सान्त्वना गोल फर्काए ।
म्यानचेष्टर युनाइटेडका म्यानेजर जोजे मौरिन्होले भने खेलाडीसंग रहेर खुसी मनाउन पाएनन् । उनलाई मैदानको टचलाइनमा आउन नै प्रतिवन्ध लगाइएको छ । यसअघि भएको खेल प्रिमियर लिग खेलमा मौरिन्होले रिसले बोतललाई फुटबल बनाएर हिर्काएका थिए ।
यता, आर्सनल भने बाहिरिएको छ । आर्सनल साउथह्याम्पटनसंग २–० ले पराजित भएको हो । घरेलु मैदान इमाइरेट्स मैदानमा आर्सनल पराजित भएको हो । आर्सनललाई हराउन जोर्डी क्लासी र रायन बेट्र्रान्डले एक एक गोल गरे
