बैंकक । थाइल्याण्डको बैंककमा जारी एसिया कप महिला टी–२० क्रिकेटमा नेपालले थाइल्याण्डसंग पनि अनपेक्षित प्रदर्शन गरेको छ । अहिले जारी खेल विजयका लागि थाइल्याण्डले ६४ रनको चुनौती पछ्याइरहेको छ ।
खेलमा पूरै ओभरसमेत खेल्न नसकेको नेपालले १९.५ ओभरमा अलआउट हुँदै ६३ रनमात्र बनाउन सक्यो ।
ज्योति पाण्डेलेमात्र दोहोरो स्कोर जोड्न सकेको नेपालको इनिङमा अन्य खेलाडीले दोहोरो स्कोरसमेत बनाएनन् । ज्योतिले १६ रन जोडिन् । नेपालको दोस्रो ठूलो स्कोर अतिरिक्तका रुपमा ११ रन थियो ।
जवाफमा थाइल्याण्डले आक्रमक खेलिरहेको छ ।
छ टोली सहभागी प्रतियोगिताका यसअघिका खेलमा नेपालले पाकिस्तान, श्रीलंका र बंगलादेशसंग फराकिलो हार बेहोरेको थियो ।
नेपालको स्तरको थाइल्याण्डसंग पनि नेपालले राम्रो प्रदर्शन गर्न नसक्दा भने स्तर सुधार गर्न धेरै अभ्यास गर्नुपर्ने देखिएको छ ।
