पाँचथर । राष्ट्रिय खेलकुद प्रतियोगितासँग मिती जुधेपछि आठौ अन्तर्राष्ट्रिय आमन्त्रण फाल्गुनन्द गोल्डकप प्रतियोगिता मिती एक हप्ता पछि सरेको छ ।प्रतियोगिता पौष १५ गते देखि २४ गतेसम्म संचालन हुने शुक्रबार सरदमुकाम फिदिममा पत्रकार सम्मेलनको आयोजना गरी जानकारी गराइएको हो ।
यसअघि गत पुस ८ गतेदेखि १७ गतेसम्म संचालन गर्ने भनिएको थियो । राष्ट्रिय खेलकुद प्रतियोगिता पनि सोही मितीमा हुने भएकोले खेलाडीले समय ब्यवस्थापन गर्न समस्या हुने भएकोले मिती सारिएको आयोजक फिदिम स्पोटिङ क्लवका अध्यक्ष किरण श्रेष्ठले वताए ।
गत वर्ष ८ वटा टिमले मात्रै सहभागिता जनाउँदै आएपनि यस वर्ष भने २ वटा टिम थप गरी १० वटा टिम सहभागि हुने छन् । पूर्वान्चल र भारतका चर्चित टिमहरुको सहभागिता रहने आयोजकले जनाएको छ । प्रतियोगिताको विजेताले २ लाख ५० हजार रुपैया र उपविजेताले १ लाख ५० हजार रुपैया हात पार्ने छ ।
