सेन्ट ज्याकोब पार्क । इङल्याण्डको क्लव आर्सनल शानदार जितसहित समूह विजेता बन्दै च्याम्पियन्स लिग फुटबलको अकोृ चरणमा पुगेको छ । आर्सनलले स्वीट्जरल्याण्डको क्लव बाजललाई उसकै मैदानमा ४–१ ले हरायो ।
खेलमा लुकास पेरेजले ह्याट्रिक पूरा गरे । त्यसैगरी एलेक्स इवाबीले एक गोल जोडे । पराजित बाजलका लागि घरेलु मैदानमा डोम्बियाले सान्त्वना गोल फर्काए ।
यो जितसंगै आर्सनल १४ अंकसहित समूह विजेता बन्दै समूह ए बाट अर्को चरणमा पुगेको छ । त्यस्तै फ्रान्सको पेरिस सेन्ट जर्मेन १२ अंकसहित उपविजेता हुँदै अर्को चरणमा पुगेको छ । जर्मेनले मंगलबार राति भने बुग्लेरियाको क्लव लुदोगोरेट्स लाजगार्डसंग २–२ को बराबरी खेल्यो । बाजल र राजगार्ड बाहिरिएका छन् ।
अन्य खेलमा समूह बी बाट इटालीको नापोली र पोर्चुगलको बेनेफिका अर्को चरणमा पुगेका छन् । मंगलबार राति बेनेफिका नापोलीसंग २–१ ले पराजित भयो । नाइनामो किभले बेसिक्तासमाथि ६–० को जित निकाले पनि अर्को चरणमा पुग्न पाएन ।
त्यस्तै समूह डी बाट स्पेनी क्लव एथलेटिको मड्रिड समूह विजेता तथा जर्मनीको क्लव बायर्न म्युनिख उपविजेता बन्दै अर्को चरणमा पुगे । पहिलो हार बेहोर्ने क्रममा १५ अंकको एथलेटिकोले मंगलबार बायर्नलाई १–० को नतिजा सुम्पियो । रुसी क्लव रोस्तोभ र नेदरल्याण्डको पीएसभी आइन्डहोभनले भने गोलरहित बराबरी खेल्दै बाहिरिए ।
