स्पेन । स्पेनी फुटबल लिग ला लिगामा रियल मड्रिडले कीर्तिमानी जित बनाएको छ । ३५ खेलसम्म अपराजित रहँदै रियलले आफ्नो क्लवको कीर्तिमानको बराबरी गरेको हो । सो कीर्तिमान रच्ने क्रममा शनिबार राति रियलले लिगमा डेपोर्टिभो लाकोरुनालाई ३–२ ले हरायो ।
खेलको अन्तिम ६ मिनेटको खेल बाँकी छँदा २–१ ले पछि परेको रियलको स्थितिलाई उल्टाउँदै ३–२ को सनसनीपूर्ण जितसंगै अपराजित यात्राले निरन्तरता पाएको हो ।
रियलका लागि अल्भारो मोराटा, मारियानो मेजिया र इन्जुरी समयमा कप्तान सर्जियो रामोसले गोल गरे । पराजित डेपोर्टिभोका लागि दुवै गोल जोसेलुले गरे ।
यो जितसंगै भने फ्रान्सका प्रशिक्षक जिनेदिन जिदानको प्रशिक्षण चुलिएको छ । व्यवसायिक फुटबलसमेत रियलबाटै खेलेका जिदानले पाएको यो प्रशंसाले भने यसपटकको लिग रियलले नै जित्नै विश्वास गरिएको छ ।
रियलका खेलाडीहरुलाईसमेत उनले मिलाएर लैजान सक्ने क्षमता राख्छन् । जिदानका छोरासमेत रियलमै भएकाले पनि बाबु छोराले कमाल गर्ने निश्चित छ ।
यो खेलमा क्रिष्टियानो रोनाल्डो भने खेलेका थिएनन् ।
यो जितसंगै रियल मड्रिडले दोस्रो स्थानको बार्सिलोनासंग ६ अंकको अग्रता कायमै राखेको छ । शनिबार राति भएको खेलमा बार्सिलोनाले ओसासुनालाई उसैको मैदानमा लिओनल मेसीको दुई गोलको मद्धतले ३–० ले पराजित गरेको थियो । अर्को गोल लुइस सुवारेजले गरेका थिए ।
ला लिगाअन्तर्गतका अन्य खेलहरुमा रियाल सोसिडाडले भ्यालेन्सियालाई ३(२ ले हराउँदा लास पाल्मास र लेगानेज तथा मालागा र ग्रानाडाले १(१ गोलको बराबरी खेलेका छन् ।
रातीका खेलपछि ला लिगाको अंक तालिकामा १५ खेलबाट ३७ अंक जोडेको रियाल मड्रिड शीर्ष स्थानमा छ ।
समान खेलबाट ३१ अंक जोडेको बार्सिलोना दोस्रो स्थानमा छ भने एक खेल कम खेलेको सेभिया २७ अंकसहित तेस्रो स्थानमा रहेको छ ।
