इमाइरेट्स । इङलिश प्रिमियर लिग फुटबलमा आर्सनल शीर्ष स्थानमा पुगेको छ । १५ औं खेलमा शनिबार राति स्टोक सिटीलाई घरेलु मैदान इमाइरेट्स रंगशालामा ३–१ ले हराउँदै आर्सनल शीर्ष स्थानमा पुगेको हो ।
आर्सनलको १५ खेलबाट ३४ अंक हुँदा चेल्सीको १४ खेलबाट ३४ अंक नै छ । गोलअन्तरमा आर्सनल अगाडि छ ।
आर्सनललाई जिताउन थिओ वाल्कोट, मेसुट ओजिल र एलेक्सिज ओबीले एक एक गोल गरे ।
यता, म्यानचेष्टर सिटीलाई भने झड्का लागेको छ । साविक उपविजेता म्यानचेष्टरलाई साविक विजेता लेस्टर सिटीले घरेलु मैदानमा ४–२ ले हरायो ।
लेस्टरलाई जिताउने क्रममा जेमाइ भार्डीले सन् २०१२ पछि टिमका लागि पहिलो ह्याट्रिक गरे । त्यसैगरी एन्डी किङले एक गोल थपे ।
म्यानचेष्टर सिटीका लागि ४–० ले पछि परेको अवस्थामा कोलारोभ र निलिटोले सान्त्वना गोल फर्काए ।
लिगमा आइतबार साँझ चेल्सीले वेष्टब्रोमसंग, म्यानचेष्टर युनाइटेडले टोटनह्यामसंग, साउथह्याम्पटनले मिडिल्सब्रोसंग तथा लिभरपुलले वेष्टह्यामसंग खेल्नेछ ।
लिगमा लिभरपुल ३० अंकसहित तेस्रो स्थानमा छ । पराजित म्यानचेष्टर सिटी ३० अंकसहित चौथो स्थानमै थन्किएको छ ।
