-
-
-
-
शरद रेग्मी, दाङ । योंगस्टार युवा क्लब दाङ्ले थाईल्याण्ड क्रिकेट एसोसिएशनको टोलीलाई ९१ रनले हराएको छ ।
टस जितेर पहिले व्याटिङ गरेको योंगस्टारले ४ विकेट गुमाएर १८९ रन बनाएकामा थाईल्याण्डको टोलीले निर्धारित २० ओभरमा ९ विकेट गुमाएर ९८ रन मात्रै बनाउन सक्यो ।
दाङको क्लबका लागि सोनु तामाङले ९७ तथा प्रशन्न शाक्यले ५७ रन बनाए । यस्तै, बलिङतर्फ प्रवीन अधिकारी र प्रशन्न शाक्यले समान ३–३ विकेट लिए ।
केही दिन अघि थाईल्याण्ड पुगेको दाङ तुलसीपुरको क्रिकेट टोलीको कप्तानी रुपेश शर्माले गरिरहेका छन् । टोलीले सोमबार थाईल्याण्डको राष्ट्रिय टोलीसँग खेल्ने टोलीका कप्तान शर्माले जानकारी दिए । नेपाली समय अनुशार सोमबार बिहान साढे ८ बजेपछि खेल शुरु हुने शर्माले बताए ।
