सांसद शर्माको केएमसी र नोबेलको टोली रामपुरमा, साढे ११ सय बिरामीको उपचार [तस्बिर]
हाम्रा कुरा
प्रकाशित २०८१ असोज ३ बिहिबार
127
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) र नोबेल मेडिकल कलेजेको संयुक्त स्वास्थ्य टोलीले सर्लाहीको रामपुरमा निःशुल्क स्वास्थ्य शिविरको आयोजना गरेको छ ।
आधारभूत मावि ईश्वरपुर–८ रामपुरमा भएको उक्त शिविरमा १ हजार १५३ बिरामीको निःशुल्क उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
बिरामीमध्ये २७५ जनाको भिडियो एक्सरे, १०५ जनाको ईसीजी, १३२ जनाको ईको तथा १२० जनाको ल्याब परीक्षण गरिएको थियो ।
त्यस्तै १५५ जनालाई शल्यक्रियाका लागि रेफर गरिएको छ । शल्यक्रिया गर्नुपर्नेमध्ये केएमसीमा आउनेलाई निःशुल्क तथा विराटनगरस्थित नोबेल मेडिकल कलेजमा जाँदा ५० प्रतिशत छुट हुने सांसद डा. शर्माले बताए ।
कांग्रेस क्षेत्रीय सभापति हरि लुङ्गेली मगरको सभापतित्वमा भएको उक्त कार्यक्रमका प्रमुख अतिथि नै डा. शर्मा रहेका थिए । पूर्व पार्टी सभापति लक्ष्मण राय, मधेस प्रदेश संयोजक शर्मिला थापा, महासमिति सदस्य शुशीला कार्की र महासमिति सदस्य लिला बहादुर गोलेको उपस्थति रहेको कार्यक्रममा डा. शर्मा, लक्ष्मण राय, शिवकुमार गर्मछाने र हरि मगरले मन्तव्य राखेका थिए ।
डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
