काठमाण्डौ । चेन्नई एक्सप्रेस जस्तो सुपरहिट फिल्म बनाइ सकेका निर्देशक रोहित शेट्टीले पुन एक पटक शाहरुख खानसँग सिल्वर स्क्रीनमा धमाकेदार रुपमा प्रस्तुत भएका छन् । यो पटक रोहित ‘दिलवाले दुल्हनिया ले जाएंगे’का स्टार जोड़ीलाई दर्शकबिच ल्याएका छन् । फिल्ममा रोमांटिक जोड़ीका साथमा वरुण धवन र कृति सेनन पनि रहेका छन् । अन्य सहयोगि भुमिकामा वरुण शर्मा, बोमन ईरानी, संजय मिश्रा, जोनी लीवर लगायत चर्चित कलकारहरु पनि रहेका छन् ।
फिल्मको कथा
फिल्मको सुरुवात शाहरुख खानको एन्ट्रीवाट हुन्छ जो गाउको रिटायर्ड काली डनको भुमिकामा देखापर्छन् । काली, यस्तो डन हो जो बुल्गारिया छोडेर गाउमा बसेको हुन्छ । उसले बुल्गारिया किन छाड्यो भन्नेमा नै फिल्मको पूरै कथा रहेको छ । रोहितले सस्पेन्सका साथ काजललाई फिल्ममा ल्याएका छन् । जो शाहरूखको प्रेमिका हुन्छिन् । फिल्ममा शाहरूख र काजलको सुन्दर जोड़ी, वरुण र कृति बिचको रोमान्स सिन देख्न सकिन्छ । फिल्ममा वरुणले शाहरूखको भाई र कृतिले काजोलको बहिनिको भुमिका निभएका छन् । फिल्ममा ठुलो झडका तब लाग्छ जब काजोलको भुमिका ग्रे शेडमा देखिन्छ ।
सन् १९९५ मा शाहरुख र काजोलको रोमांटिक जोड़ीले आदित्य चोपड़ाको निर्देशनमा सिल्वर स्क्रिनमा जादू गरेको थियो । सायद यहि आसाका साथ रोहितले यस जोड़ीलाई दर्शकहरु माझ पुन एक पटक प्रस्तुत गरेका छन् ।
कस्तो छ अभिनय
शाहरुख, काजल वरुण वाहेक फिल्ममा सहयोगी भुमिकामा कबीर बेदीले सराहनीय काम गरेका छन् । उनले काजलको बुवा र शाहरुखको दुश्मनको भूमिकामा निभाएका छन् । रोमान्स बीच संजय मिश्रा, जोनी लीवर, बोमन ईरानी र वरुण शर्माले दर्शकलाई भरपुर हसाउने प्रयास गरेका छन् । दिलवाले पुर्ण रुपले टिपिकल फिल्म रहेको छ । यसमा इन्टरटेनमेन्टको भरपूर मजा लिन सकिनेछ । यानी फिल्म रोमान्स, कमेडी, एक्शन, ड्रामा, डान्सवाट सुसजित छ । यस फिल्ममा पनि रोहितले आफ्नो एक्शन कार सिग्नेचर स्टाइललाई प्राथमिकतामा राखेका छन् । फिल्ममा तपाईले मंहगो र लग्जरी कारहरु हेर्न पाउनुहुनेछ ।
म्यूजिक
फिल्ममा रोमांटिक जोड़ीका साथै गीत पनि सुमधुर रहेका छन् । फिल्मको गीत उत्कृष्ट गितहरुको सुचि भित्र रहेका छन् । विशेष गरेर रंग दे तू मोहे गेरूआ र टूकूर-टूकूर दर्शकहरुको रुचिमा परेका छन् ।
हेर्ने कि नहेर्ने
सबै मिलाएर दिलवालेको बारेा तीन शब्द भन्न सकिन्छ - अर्थात एन्टरटेनमेन्ट, एन्टरटेनमेन्ट र एन्टरटेनमेन्ट। राम्रो दृश्य सम्पादनको कारण फिल्म काफी चुस्त र तेज रहेको छ । रोहितको निर्देशकिय क्षमताको कमालले फिल्म हेर्दै गर्दा तपाईलाई बोर हुने मौका मिल्ने छैन ।