सेलहस्र्टपार्क । इङलिश प्रिमियर लिग फुटबलमा शीर्ष स्थानको चेल्सीको अपराजित यात्रा कायमै रहेको छ । चेल्सीले पछिल्ला ११ खेलमा निरन्तर जित हासिल गर्दै आफूलाई दोस्रो स्थानको लिभरपुलभन्दा ९ अंकमाथि उभ्याउन सफल भएको छ । शनिबारको खेलमा क्रिष्टल प्यालेसलाई उसकै मैदानमा १–० ले हराउँदै चेल्सीले सो सफलतालाई निरन्तरता दिएको हो ।
चेल्सीलाई जिताउन खेलको ४३ औं मिनेटमा डिएगो कोष्टाले एकमात्र गोल गरेका थिए । कोष्टाको यो चेल्सीका लागि ५० औं गोल हो ।
लिगकै अर्को खेलमा म्यानचेष्टर युनाइटेड पनि विजयी भएको छ । जोजे मौरिन्होको म्यानचेष्टरले वेष्टब्रोमलाई २–१ ले हरायो । म्यानचेष्टरलाई जिताउन दुवै गोल गोल ज्लाटान इब्राहिमोभिचले गरे ।
क्रिष्टियन इभ अघिनै ज्लाटानले गोल संख्यालाई १६ बनाएका छन् ।
अन्य खेलमा मिडिल्सब्रोले स्वान्सीलाई ३–० ले, सन्डरल्याण्डले वाट्फोर्डलाई १–० ले तथा वेष्टह्यामले हल सिटीलाई १– ले नै हरायो ।
तर डिफेन्डिङ च्याम्पियन लेस्टर सिटीले स्टोक सिटीसंग २–२ को बराबरीमा चित्त बुझायो ।
लिगमा १७ खेलमा चेल्सीको ४३ अंक भएको छ । एक खेल कम खेलेको लिभरपुल र आर्सनलको समान ३४ अंक छ । ३० अंक जोडेको म्यानचेष्टर युनाइटेड छैटौं स्थानमा कायमै छ ।
