इत्तिहाद स्टेडियम । म्याचेष्टर सिटी इङलिश प्रिमियर लिग फुटबलको दोस्रो स्थानमा पुग्न सफल भएको छ । कठिन प्रतिद्धन्द्धी आर्सनलमाथि घरेलु मैदानमा इत्तिहाद स्टेडियममा २–१ को विजयी नतिजा निकाल्दै म्यानचेष्टर सिटी दोस्रो स्थानमा पुगेको हो ।
मध्यान्तरसम्म १–० ले पछि परेको स्थितिलाई उल्टाउँदै सिटीले खेल जितेको हो । खेलको पाँच मिनेटमै थियो वाल्कोटको गोलबाट आर्सनलले प्रारम्भिक अग्रता बनायो । यो अग्रता ४७ औं मिनेटसम्म कायम रह्यो । तर ४७ औं मिनेटमा लेरो सेनले गोल गर्दै बराबरीमा ल्याए ।
७१ औं मिनेटमा रहीम स्टर्लिङले गोल गर्दै म्यानचेष्टर सिटीलाई जिताए ।
लिगको अर्को खेलमा टोटनह्याम हट्सपरले बर्नलीलाई आफ्नै मैदानमा २–१ ले हरायो । यो खेलमा पनि बर्नलीले पहिले अग्रता लियो । तर त्यसपछि टोटनह्यामले लगातार दुई गोल गर्न सफल भयो ।
तेस्रो खेलमा साउथह्याम्पनले बर्नमाउथलाई उसकै मैदानमा ‘माउथ’ बन्द गर्न सफल भएको छ । खेल साउथह्याम्पटनले ३–१ ले जित्यो ।
लिगमा ४३ अंकसहित चेल्सी शीर्ष स्थानमा विराजमानै छ । ३६ अंकबाट म्यानचेष्टर सिटी दोस्रो, एक खेल कम खेलेको लिभरपुल ३४ अंकबाट तेस्रो, ३४ अंकबाटै आर्सनल चौथो, ३३ अंकबाट टोटनह्याम पाँचौं र ३० अंकबाट म्यानचेष्टर युनाइटेड छैटौं स्थानमा छ ।
१७ औं चरणको अन्तिम खेलमा सोमबार राति १ः४५ बजे एभर्टन र लिभरपुल एभर्टनको मैदानमा भिड्दै छन् ।
