कांग्रेसको सदस्यता विवादमा चर्को बहस, छानबिन प्रतिवेदन सच्याउन माग

प्रकाशित मिति : २०७२ पौष ३ शुक्रबार
काठमाडौं । आसन्न १३ औं महाधिवेशनको तयारीबारे छलफल गर्न जारी कांग्रेस केन्द्रीय समिति बैठकमा पार्टीको क्रियाशील सदस्यता छानबिन समितिको प्रतिवेदन अपुरो रहेको टिप्पणी गरेका छन् । वुधबारबाट पार्टी केन्द्रीय कार्यालयमा जारी छलफलमा केन्द्रीय सदस्यहरुले छानबिन समितिको प्रतिवेदन हेरफेर गर्नुपर्ने माग गरे । 
 
शुक्रबार धारणा राख्ने अधिकांश सदस्यहरुले सदस्यता सम्बन्धमा परेका उजुरीहरुको सुनुवाइ नगरिएको, बिना मापदन्ड मतदानको अधिकार दिने र नदिने भनिएको, विवाद मिलाउने समितिले राम्ररी काम गर्न नसकेको भन्दै प्रतिवेदन हेरफेरको माग गरेका हुन् ।
 
शुक्रबार केन्द्रीय सदस्यहरु बलबहादुर केसी, प्रकाशशरण महत, शेखर कोइराला, कृष्णचन्द्र नेपाली, नविन्द्रराज जोशी, अम्बिका बस्नेत, सुरेन्द्रराज पाण्डे, बद्री पाण्डेले धारणा राखे । यस्तै,  ईश्वरी न्यौपाने, सिता गुरुङ, पार्वता डीसी चौधरी, केशवकुमार बुढाथोकी, गोविन्द भट्टराई र आमन्त्रित केन्द्रीय सदस्य भोला चौधरीले प्रतिवेदन हेर फेरको माग गरे । 
 
केन्द्रीय सदस्य नरहरि आचार्य संयोजकत्वको समितिले क्रियाशील सदस्यता छानबिन गरेर प्रतिवेदन केन्द्रीय समितिमा पेश गरेको थियो । बैठकमा सदस्यहरुले धारणा राख्नेक्रम अझै सकिएको छैन । बैठकले आइतबार विहान ११ बजे पुनः निरन्तरता पाउनेछ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ