-
-
-
-
काठमाडौं । सशस्त्र प्रहरीको एपीएफ सातौं राष्ट्रिय खेलकूद अन्तर्गत पुरुष फुटबलको फाइनलमा पुगेको छ । धरानस्थित एन्फा टेक्निकल सेन्टर मैदानमा भएको सेमिफाइनलमा अर्को विभागिय नेपाल पुलिस क्लबलाई २–० ले हराउँदै एपीएफ फाइनलमा पुगेको हो । एपीएफलाई विजयी गराउन खेलको अतिरिक्त समयमा युवराज खड्का र नविन लामाले गोल गरे ।
निर्धारित समयको खेल गोल रहित बराबरीमा सकिएपछि अतिरिक्त समयमा धकेलिएको थियो । समूहको अन्तिम खेलमा त्रिभुवन आर्मीसँग गोलरहित बराबरी खेल्दै सेमिफाइनलमा पुगेको एपीएफले अब फाइनलमा आर्मी र मध्यमाञ्चलबीचको विजेतासँग खेल्ने छ ।
