सेन्ट मेरी रंगशाला । इङलिश प्रिमियर लिग फुटबलमा टोटनह्याम हट्सपर पाँचौं स्थानमा कायमै रहेको छ । बुधबार राति भएको १८ औं खेलमा साउथह्याम्पटनलाई उसकै घरेलु मैदान सेन्ट मेरीमा ४–१ ले हराउँदै टोटनह्यामले पाँचौं स्थानलाई मजबुद बनाएको हो ।
१० जनामा सीमित साउथह्याम्पटनलाई हराउने क्रममा टोटनह्यामका डेले अलीले दुई था ह्यारी काने र ह्युङ मिन सनले एक एक गोल गरे ।
खेलको ५७ औं मिनेटमा साउथह्याम्पटनका नाथन रेडमण्डले रेड कार्ड खाएपछि पाएको पेनाल्टीलाई भने कानेले रोक्न सकेनन् ।
यसअघि खेलको दोस्रो मिनेटमै भिर्गिल भान डिकको गोलबाट साउथह्याम्पटनले प्रारम्भिक अग्रता लिएको थियो । यो खेलपछि १८ औं चरणका खेल पनि सकिएका छन् ।
चेल्सी ४६ अंकसहित शीर्ष स्थानमा छ भने लिभरपुल ४० अंकसहित दोस्रो, ३९ अंकको म्यानचेष्टर सिटी तेस्रो, ३७ अंकको आर्सनल चौथो, ३६ अंकको टोटनह्याम पाँचौं तथा ३३ अंकको म्यानचेष्टर युनाइटेड छैटौं स्थानमा छ ।
सन्डरल्याण्ड, स्वान्सी र हलसिटी रेलिगेशन क्षेत्रमा छन् ।
