देशलाई लोडसेडिङ्ग मुक्त गराउन प्राधिकरणको अनुरोध

प्रकाशित मिति : २०७३ पौष १९ मंगलबार
काठमाडौं । विद्युत प्राधिकरणले  लोडसेडिङ्ग न्यूनिकरणका लागि सहयोग गर्न ग्राहकसँग आग्रह गरेको छ ।  वढ्दो चिसो र सुख्खायामको कारण नदिहरुमा पानीको बहाव कम हुने भएकाले  विद्युत बढि  खपत हुने सामाग्री पिक आवरमा नचलाउन आग्रह गरेको हो । 
 
प्राधिकरणले पिक लोड समय  (विहानः ६:००–९:०० र वेलुका ४:३०–८: ३०) मा आइरन,  रुम हिटर,  इमर्सन हिटर,  पानी तान्ने पम्प,  एयर कण्डिसनर,  इलेक्ट्रिक गिजर,  वाशिङ्ग मेशिन प्रयोग नगर्न र अन्य बल्बहरुको तुलनामा लेड बल्ब प्रयोग गर्न अनुरोध गरेको छ । 
 
 रुम हिटर, ईमर्सन हिटर, एयर कन्डिस्नर, इलेक्ट्रिक गिजार लगायतका बढी विद्यतु खपत गर्ने उपकरणहरु सम्भव भए सम्म पिक लोडका अतिरिक्त अन्य समयमा समेत प्रयोग नगर्न  भनेको छ । त्यसको सट्टा ग्रहाकहरुले कम विद्युत खपत गर्ने  विद्युतीय उपकरण  प्रयोग गर्न सक्ने छन् । 
 
प्राधिकरणले आवश्यक नभएको अवस्थामा सम्पूर्ण विद्युतीय उपकरणहरुको स्वीच अफ गर्न र  पिक लोड समय साँझ (४:३०–८:३०) वजेसम्म साना-ठूला सम्पूर्ण उद्योग नचलाउने, उद्योगहरुमा ऊर्जा परिक्षण गराई उपलब्ध विद्युत शक्तिको अधिकतम उपयोग गर्ने, उद्योगमा क्यापासिटर बैंक अनिवार्यरुपमा जडान गर्ने व्यवस्था मिलाउन  अनुरोध गरेको छ  ।
 
कार्यालय तथा उद्योग परिसर एवं सडकमा कम विद्युत खपत गर्ने लेड वल्व प्रयोग गर्न र सो को लागि दिनमा निभ्ने गरी स्वचालित स्वीच को प्रयोग अनिवार्यरुपमा गर्न, जथाभावी वत्ती नबाल्न र सौर्य सडकवत्ती प्रयोग गर्नु पर्नेछ  ।
 
प्राधिकरणले विद्युत चुहावट भएको पाईएमा सोको सूचना प्राधिकरणको नजिकको कार्यालयमा सूचना  दिई सहयोग गर्न  आग्रह गरेको छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ