भाइटालिटी स्टेडियम । इङलिश प्रिमियर लिग फुटबलमा आर्सनलले तेस्रो स्थानमा पुग्ने अवसर गुमाएको छ । मंगलबार राति भएको खेलमा एएफसी बर्नमाउथसंग ३–३ गोलको बराबरीमा रोकिएपछि आर्सनलले सो अवसर गुमाएको हो । बर्नमाउथको मैदानमा भएको खेलमा ३–० ले पछि परेर निरीह देखिएको आर्सनलले त्यसपछि भने बराबरी गोल गर्न सफल भएको हो ।
विरलै देखिने ३–० ले अग्रता लिएर पनि बराबरीमा चित्त बुझाउने बर्नमाउथका साइमन फ्रान्सिसले रातो कार्ड खाएपछि भने झनै निराश बन्नुप¥यो ।
बर्नमाउथका लागि आर्लि डानियल्स, कालुम विल्सन र रायन फ्राजरले गोल गरे । त्यसपछि एलेक्सिज सान्चेज र लुकास पेरेज आर्सनललाई गोल दिलाए । अन्तिम मिनेटमा ओलिभियर जिरर्डले गोल गर्दै आर्सनललाई हारबाट बचाए ।
लिगका अन्य खेलमा स्वान्सी सिटीले क्रिष्टल प्यालेसलाई २–१ ले तथा स्टोक सिटीले वाट्फोर्डलाई २–० ले हरायो ।
बुधबार राति १ः४५ बजे टोटनह्याम हटसपर र चेल्सी भिड्दै छन् । चेल्सीले शीर्ष स्थानलाई मजबुद बनाउन चाहन्छ भने टोटनह्याम घरेलु मैदानको फाइदा उठाउन चाहन्छ ।
लिगमा १९ खेलबाट ४९ अंकसहित चेल्सी शीर्ष स्थानमा छ । ४४ अंकको लिभरपुल दोस्रो, ४२ अंकको म्यानचेष्टर सिटी तेस्रो तथा ४१ अंकको आर्सनल चौथो स्थानमा छ ।
