सान्टियागो बर्नाबेउ । स्पेनिश फुटबल लिग ला लिगा लिडर रियल मड्रिडले अपराजित यात्रालाई ३८ खेलसम्म पु¥याएको छ । कीर्तिमान रच्ने क्रममा रियलले बिहीबार बिहान सम्पन्न खेलमा कोपा देल रेमा सेभिल्लालाई ३–० ले हरायो ।
कोपा देल रे को पहिलो लेगमा राम्रो सफलता हासिल गर्ने क्रममा घरेलु मैदानमा रियललाई जिताउन जेम्स रोड्रिग्वेजले २ तथा राफा भरानले १ गोल गरे ।
ग्यारेथ बेल घाइते भइ निको हुने अवस्थामा रहेकाले उनको ठाउँ लिएका रोड्रिग्वेजले चामत्कारिक प्रदर्शन गरिरहेका छन् ।
क्रिष्टियानो रोनाल्डोको अनुपस्थिति रियलमा खड्किएको छैन । सेभिल्ला विरुद्धको दोस्रो लेगको खेल जनवरी १२ तारिखमा सेभिल्लाको मैदानमा हुनेछ ।
कोपा देल रे का अन्य खेलमा रियल सोसिडाडले भिल्लारियललाई ३–१ ले हराउँदा एल्कोर्कोन र कोर्डोबाले भने गोलरहित बराबरी खेले ।
