ओल्ड ट्राफोर्ड । इङलिश फुटबल लिग इएफएलमा म्यानचेष्टर युनाइटेडले मीठो जित निकालेको छ । इएफएलको सेमिफाइनल पहिलो लेगको खेलमा जोजे मौरिन्होको सेनाले हल सिटीलाई २–० ले हराएको हो ।
घरेलु मैदान ओल्ड ट्राफोर्डमा खेलेको म्यानचेष्टर युनाइटेडलाई जिताउन खेलको ५६ औं मिनेटमा हुँवा माटाले पहिलो गोल गरे ।
त्यस्तै ८७ औं मिनेटमा अतिरिक्त खेलाडी मारोउने फेलिआनीले अर्को गोल थप्दै म्यानचेष्टरलाई २–० ले अग्रता दिलाए ।
खेलमा प्रशिक्षक मौरिन्हो खुशी भए पनि वाइने रुनी भने खुशी हुन सकेनन् । किनकि उनले गोल गर्न सकेनन् ।
एउटा राम्रो अवसर पाए पनि गोल नगरेसंगै अब कीर्तिमानका लागि कम्तीमा चार दिन कुर्नुपर्नेछ । उनले म्यानचेष्टरका लागि सर बबी चार्लटनले राखेको गोलको कीर्तिमान तोड्न खोजेका हुन् ।
अब आइतबार हुने इङलिश प्रिमियर लिगमा लिभरपुल विरुद्ध गोल गरे रुनीले कीर्तिमानी बनाउने छन् ।
