नोउ क्याम्प । बार्सिलोना स्पेनिश घरेलु फुटबल प्रतियोगिता कोपा देल रे को क्वार्टरफाइनलमा प्रवेश गरेको छ । एथलेटिक बिलबाओलाई समग्रमा ४–३ ले हराउँदै बार्सिलोना अन्तिम आठको यात्रा तय गर्न सफल भएको हो ।
पहिलो लेगको खेल २–१ ले गुमाएर आलोचित बनेको बार्सिलोनाले बिहीबार बिहान घरेलु मैदानमा भएको दोस्रो लेगको खेलमा ३–१ को जित निकाल्दै अगाडि बढेको हो ।
निर्णायक खेलमा बार्सिलोनालाई जिताउन लिओनल मेसी, नेइमार र लुइस सुवारेज तीनै जनाले एक एक गोल गरे ।
यसअघिको विश्वकप फुटबलमा इटालियन खेलाडीलाई कानमा टोकेर विश्वकपबाट बाहिरिएका उरुग्वेका खेलाडी सुवारेजलाई कुनै पनि क्लवले व्यवसायीक खेल खेल्न दिने विश्वास गरिएको थिएन ।
तर सुवारेजलाई बार्सिलोनाले लिएसंगै उनी अनुशासित भएकामात्र छैनन् गोल मेसिन नै भएर विश्वलाई प्रमाणित गरिदिएका छन् ।
सुवारेजलाई छोटो अवधिमै एक सय गोल दिलाएर उनले चमत्कार नै गरेका छन् ।
सुवारेजले १२० खेलबाटै यो सफलता हासिल गरेका हुन् ।
