ओल्ड ट्राफोर्ड । इङलिश प्रिमियर लिग फुटबलमा म्यानचेष्टर सिटीले लज्जास्पद हार बेहोरेको छ । विरलै बेहोरेको यस्तो हार म्यानचेष्टर सिटीले एभर्टनसंग भोगेको हो । एभर्टनकै मैदानमा भएको खेलमा म्यानचेष्टर सिटी ४–० ले पराजित भयो ।
एभर्टनलाई जिताउन रोमेलु लुकाकु, केभिन मिरालास, टम डेभिस र एडमोला लुकमनले एक एक गोल गरे ।
म्यानचेष्टर सिटीको यो हारपछि म्यानचेष्टर सिटीका प्रशिक्षक पेप ग्वार्डिओलाले लिग उपाधिमाथि आत्मसमर्पण गरेको विश्लेषण गर्न थालिएको छ ।
त्यस्तै लिगको अर्को खेलमा म्यानचेष्टर युनाइटेड र लिभरपुलले १–१ गोलको बराबरी खेलेका छन् ।
युनाइटेडको मैदानमा भएको खेलमा २७ औं मिनेटमै पेनाल्टीमार्फत जेम्स मिल्नरले लिभरपुललाई गोल दिलाए ।
८४ औं मिनेटमा बल्ल युनाइटेडका ज्लाटान इब्राहिमोभिचले गोल गर्दै बराबरीमा ल्याए ।
यो खेलसंगै उपाधिका लागि चेल्सीको बाटो थप मजबुद बन्दै गएको छ । २१ औं चरणको समाप्तिसम्म चेल्सीको ५२ अंक छ । दोस्रो स्थानको टोटनह्यामको ४५ तथा तेस्रो स्थानको लिभरपुलको पनि ४५ अंक नै छ ।
४४ अंकको आर्सनल चौथो स्थानमा छ । ४२ अंकको म्यानचेष्टर सिटी पाँचौं स्थानमै थन्किँदा ४० अंकबाट म्यानचेष्टर युनाइटेड छैटौं स्थानमा छ ।
