अब ८ वटा खर्चिला रोगको उपचार निशुल्क : मन्त्री थापा

प्रकाशित मिति : २०७३ माघ ३ सोमबार

दोलखा । स्वास्थ्यमन्त्री गगन थापाले ८ वटा खर्चिला रोगको उपचार निशुल्क गर्ने व्यवस्था गर्न लागिएको बताएका छन् । दोलखा पुगेका मन्त्री थापाले औषधि अभावमा अब कसैले पनि अकालमा मृत्यु वरण गर्नु नपर्ने बताएका हुन् । मन्त्री थापाले भने, ‘उपचार गर्दा कोही पनि कंगाल नहुने वातावरणका लागि हामी काम गरिरहेका छौं ।

स्वास्थ्य विमाको कार्यक्रमबारे जानकारी दिँखै मन्त्री थापाले अब बीमामार्फत जनताको उपचार सरकारले उठाउन लागेको बताए । मन्त्री थापाले थपे, ‘कानुन बनाएर बीमामार्फत जनताको स्वास्थ्यको जिम्मा सरकारले लिन्छ ।’ आफु भिआइपीको नाममा उपचार खर्च नलिने सुनाउँदै मन्त्री थापाले भिआइपीको नाममा खर्च लिने कुरालाई निरूत्साहित गर्छु,–भने ।

यस्तै, मन्त्री थापाले चरिकोटको स्वास्थय केन्द्र अब अस्पताल हुने र जिरी तथा   सिंगटीको स्तरोन्नती हुने बताए । पहिलेको जस्तो अहिले औषधि अवावका खबर कम सुनिएको उल्लेख गर्दै मन्त्री थापाले अब प्रत्येक जिल्लामा औषधि किन्नका लागि पुग्दो पैँसा गएको समेत बताए । काम गर्नेलाई सम्मान गर्ने उल्लेख गर्दै मन्त्री थापाले जिल्लामा औषधि वितरण नगर्ने र गर्न नसक्ने जिल्लाका प्रमुखहरु हट्ने उल्लेख गरे ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ