स्पेन । ४० खेलमा अपराजित रहँदै कीर्तिमान रचेको स्पेनिश फुटबल क्लव रियाल मड्रिडले लगातार दोस्रो हार बेहोरेको छ । कीर्तिमानलाई लम्ब्याउने अपेक्षा गरिएको रियालले स्पेनिश लिगमा नाटकीय तरिकाले सेभियासंग हार बेहोरेपछि दोस्रो खेलमा कोपा देल रे मा सेल्टाभिगोसंग २–१ को हार खेपेको छ ।
घरेलु मैदानमै खेलेको रियाल मड्रिडले कोपा देल रे को क्वार्टरफाइनलको पहिलो लेगमा हार बेहोरेको हो । खेलको ६४ औं मिनेटमा लिभरपुलका पूर्व स्ट्राइकर इयागो अस्पासले गोल गर्दै सेल्टाभिगोलाई अग्रता दिलाए ।
६९ औं मिनेटमा मार्सेलोले गोल गर्दै रियाललाई बराबरीमा ल्याए । तर त्यसको एक मिनेटमै जोनीले गोल गर्दैै सेल्टाभिगोलाई जिताए । यो हारले भने जिनेजिन जिदानको रियाललाई ठूलो झड्का लागेको छ ।
कोपा देल रे मा अलाभेसले अर्कोरोनलाई २–० ले हरायो ।
प्रतियोगिता अन्तर्गत बिहीबार राति १२ बजे एथलेटिको मड्रिड र आइबर तथा २ बजे रियाल सोसिडाडले घरेलु मैदानमा बार्सिलोनासंग खेल्नेछ ।
